വകയാർ സെന്റ് മേരീസ് പള്ളിയുടെ ചരിത്രവും പൈതൃകവും

ശാന്ത സുന്ദരമായ വകയാര്‍ ഗ്രാമം. നാനാ ജാതി മതസ്ഥര്‍ ഏകോദര സഹോദരങ്ങളെ പോലെ ജീവിക്കുന്ന സ്ഥലം. 1930 സെപ്റ്റംബര്‍ 20 ന് താപസവര്യനായ ഗീവര്‍ഗീസ് മാര്‍ ഇവാ നിയോസ് മെത്രാപ്പോലീത്ത കത്തോലിക്ക സഭയിലേക്ക് പുന രൈക്യപ്പെട്ടു. ഏറെ താമസിയാതെ പുനരൈക്യത്തിന്റെ അലകള്‍ വകയാറിലും എത്തിച്ചേര്‍ന്നു. ഇതിന്റെ പരിണിതഫലമായി 09-02-1941 ന് മാര്‍ ഇവാനിയോസ് തിരുമേനിയാല്‍ ഒരു ഇടവക സമൂഹം പരിശുദ്ധ ദൈവ മാതാവിന്റെ നാമത്തില്‍ വകയാറില്‍ സ്ഥാപിതമായി. കത്തോലിക്കാ വിശ്വാസിയായിരുന്ന ശ്രീ. മാമന്‍ കണ്ണന്താനം തന്റെ ഭവനം വിശുദ്ധ കുര്‍ബാന അര്‍പ്പിക്കുവാനായി വിട്ടുകൊടുത്തു. പ്രഥമ വികാരിയായി ബഹു ജോസ് മാത്യു ചാല്‍ക്കടവ് അച്ചനെ നിയമിച്ചു.